အက်တမ်၊ ဒြပ်စင်၊ မော်လီကျူး၊ ဒြပ်ပေါင်း၊ ဒြပ်နှော။

တက္ကသိုလ်ဝင်တန်း ညီ/ညီမ ငယ်များအတွတ် ရည်ရွယ်ကာ ရေးသားလိုက်ပါတယ်။ ညီ/ ညီမငယ်တို့ အခြေခံပညာ အထက်တန်းမှာ သိပ္ပံဘာသာရပ် စတင်သင်ကြားရပြီ ဆိုကတည်းက ဒီ terms အခေါ်အဝေါ် လေးတွေ သုံးနှုန်းလာရပါပြီ။ ဓာတုသင်ကြားနေသော ကျောင်းသား /ကျောင်းသူများ ပီပီ နားလည် ထားသင့်ပါတယ်။

အက်တမ် ဆိုတာ ?

အက်တမ်

အက်တမ်အကြောင်း အရင်ဆွေးနွေးပါ့မယ်။ အက်တမ်ဆိုတာ အရာဝတ္ထုများ၏ အသေးငယ်ဆုံးသော အမှုန့်ဖြစ်ပြီး၊ အီလက်ထရွန်၊ ပရိုတွန်၊ နျူထရွန် အမှုန်များနဲ့ ဖွဲ့စည်းထားပါတယ်။ အီလက်ထရွန်သည် ဓာတ်မဆောင် အမှုန် ဖြစ်ပြီး၊ အပေါ့ဆုံးဖြစ်ကာ၊ နျူကလိယက်စ်ကို စက်ဝိုင်းပုံ (သို့) ဘဲဥပုံ လမ်းကြောင်း အတိုင်း လှည့်ပတ်နေတာပါ။ အီလက်ထရွန်တစ်လုံးအလေးချိန်သည် ပရိုတွန် (သို့) နျူထရွန် တစ်လုံး၏ ၁၈၄၀ ပုံ တစ်ပုံသာလျှင် ရှိတာပါ။ နျူကလိယက်စ်သည် အက်တမ်၏ အလည်ဗဟိုတွင် တည်ရှိပြီး၊ ဓာတ်ဖိုဆောင် လျှပ်စစ် အမှုန် ပရိုတွန် နှင့် လျှပ်စစ်ဓာတ်မဲ့သော နျူထရွန်တို့ စုစည်းနေခြင်းပါပဲ။ အက်တမ် တစ်ခုလုံး အလေးဆကတော့ နျူကလိယက်စ်ရဲ့ အလေးချိန်သာ လျှင်ဖြစ်တော့တယ်။ အက်တမ် ဖွဲ့စည်းပုံမှာ ပေါ့သော အီလက်ထရွန်များက နျူကလိယက်စ်ကို လှည့်ပတ်နေကြတာပါ။ ဒါကြောင့် အက်တမ်လို့ပြောရင် အက်တမ် အမျိုးအစားရော၊ အရေအတွတ်ပါ တစ်ခုတည်းပါပဲ၊ ဥပမာ - ဟိုက်ဒရိုဂျင် အက်တမ်လို့ ပြောရင်  သင်္ကေတ H နဲ့ ကိုယ်စားပြုဖော်ပြနိုင်ပါတယ်။ ကယ်လ်ဆီယမ် အက်တမ်လို့ပြောရင် Ca ၊ ကလိုရင်း အက်တမ်ဆိုလျှင် Cl ၊ အာဂွန် အက်တမ်ဆိုလျှင် Ar စသည်ဖြင့် နားလည် နိုင်ပါတယ်။

ဒြပ်စင် ဆိုတာ ?

ပြဒါး

Element ကို မြန်မာမှု့ပြုရရင် ဒြပ်စင်၊ အက်တမ်အမျိုးအစား တစ်မျိုးပဲ ပါတယ်။ ဥပမာ - အောက်ဆီဂျင် ဓာတ်ငွေ့ ( O₂ ) တွင် အောက်ဆီဂျင် အက်တမ် အမျိုးအစား တစ်မျိုးတည်းသာ ပေါင်းစပ်ထားတဲ့ အောက်ဆီဂျင် ဓာတ်ငွေ့ သည် ဒြပ်စင်ဖြစ်သည်။ နောက်ထပ် အိုဇုန်း ဓာတ်ငွေ့ ( O₃ )၊ နိုက်ထရိုဂျင် ဓာတ်ငွေ့ ( N₂ ), အလူမီနီယမ်ချောင်း၊ သံချောင်း၊ ပြဒါး၊ သံချောင်း စသည်များသည်လည်း ဒြပ်စင်များပါပဲ။

မော်လီကျူး ဆိုတာ ?

Molecule မော်လီကျူများသည် အက်တမ်များ ပေါင်းစပ်နေသော ဒြပ်ပေါင်းများ ဖြစ်သည်။ ဥပမာ - ရေ မော်လီကျူး ( H₂O ) တစ်ခုသည် ဟိုက်ဒရိုဂျင် အက်တမ် နှစ်လုံးနှင့် အောက်ဆီဂျင် အက်တမ် တစ်လုံးပေါင်းစပ်ထားသည်။ ဆာလဖာ ဒိုင်အောက်ဆိုဒ် ဓာတ်ငွေ့ ( SO₂ ) မော်လီကျူးတစ်ခုတွင် ဆာလဖာ အက်တမ်တစ်လုံး နှင့် အောက်ဆီဂျင် အက်တမ် နှစ်လုံး ပေါင်းစပ်ထားသော မော်လီကျူးပင် ဖြစ်သည်။ အောက်ဆီဂျင် ဓာတ်ငွေ့( O₂ )၊ ဆာလဖျူရစ် အက်စစ်( H₂SO₄ )၊ ဆိုဒီယမ် ကလိုရိုက် ( NaCl )၊ ကာဗွန် ဒိုင်အောက်ဆိုဒ် ဓာတ်ငွေ့ ( CO₂ )၊ ကယ်လ်ဆီယမ် ဟိုက်ဒရောဆိုက် ( Ca(OH)₂ )စသည် များသည် မော်လီကျူများဖြစ်သည်။

ဒြပ်ပေါင်း ဆိုတာ ?

မြေဖြူ

Compound သည် ဒြပ်ပေါင်း ဖြစ်သည်။ အက်တမ် အရေအတွတ် အတိအကျပါဝင်ပြီး၊ မော်လီကျူလာ အလေးချိန် ( Molecular Weight ) တသတ်မတ်တည်း ရှိသည်။ မော်လီကျူပေါင်း မြောက်များစွာ စုဝေးနေခြင်းကို ကွန်ပေါင်း ဟုလည်း ဆိုနိုင်သည်။ ဆိုလိုသည်မှာ မြေဖြူချောင်းသည် ကယ်လ်ဆီယမ် ကာဗွန်နိတ် ( CaCO₃ ) comopund ဖြစ်သည်။ အက်တမ်အရေ အတွတ် အတိအကျပါဝင်ကာ၊ မော်လီကျူလာ အလေးချိန် တသတ်မတ်တည်း ရှိသည်။ မော်လီကျူလာ ဖော်မြူလာ CaCO₃ ဖြစ်သည်။ မြေဖြူချောင်းသည် Compound ဆိုလျှင် ၄င်း မြေဖြူချောင်းကို ခွဲစိတ်လိုက်ပါက၊ CaCO₃ မော်လီကျူးလေးတွေ ရရှိမည်။ ထို မော်လီကျူးလေးတွေကို ထပ်မံခွဲစိတ်လိုက်ပါက အက်တမ်များ ( Ca, C, 3O ) အဖြစ်ရရှိမည်။ ရရှိလာတဲ့ အက်တမ်များကို ထပ်မံခွဲစိတ်ပါက Protons, Neutrons, Electons များ ရရှိလာမည်ဖြစ်သည်။ Compounds များကို Physical Means အားဖြင့် ခွဲစိတ်မရ။

ဒြပ်နှော ဆိုတာ ?

ဆီနဲ့ရေ

Mixture သည် ဒြပ်နှော ဒြပ်များ ရောနှောထားခြင်းဖြစ်သည်။ အချိုးအဆ အားဖြင့် တသတ်မတ်တည်းမရှိ ရောနိုင်သည်။ Mixture များကို Physical Means အားဖြင့် ပြန်လည် ခွဲထုတ်နိုင်သည်။ ဥပမာ သဲနှင့် သံမှုန့်များ ရောနှောထားသည် ဆိုပါစို့။ သံမှုန့်များကို သံလိုက်ဖြင့် ပြန်လည် ခွဲထုတ်နိုင်သည်။ Mixture နှစ်မျိုးရှိသည်။ တစ်သားတည်းဒြပ်နှော ( Homogeneous Mixture ) နှင့် တစ်သားတည်းမဟုတ်သော ဒြပ်နှော ( Heterogeneous Mixture ) တို့ဖြစ်သည်။ တစ်သားတည်းဒြပ်နှောများမှာ ရေနှင့် ဖျော်ရည်၊ ဖျော်ရည်နှင့် အရက်၊ ဘီယာနှင့် ရေ။ ( ရောကြည့် ဟုတ်မဟုတ် ဟီး ... ) တစ်သားတည်းမဟုတ်သော ဒြပ်နှောများကတော့ သဲနှင့်ရေ၊ ဆီနှင့်ရေ၊ သံမှုန့်နှင့် လွှစာမှုန့် တို့ဖြစ်ကြသည်။